練馬師葉楚航今朝好積極，踩住單車兩邊走，先在隧道口目送馬匹往跑道踱步，作最後備戰，操完航哥又在欄邊等各匹戰馬回來，包括眼甘甘咁吼實「漸信名駒」，非常緊張佢哋嘅進度。
其中最特別是第二場四班1000米之「奇異晨曦」，呢匹唐英年名下愛駒，內圈踱完未有跟隨大隊返馬房，而是竟然獨自再去機坪踱多兩圈，加料催谷趕工夫，操練夠晒特?，非常罕見，反映這匹服役初出馬，今仗並非單求熱身咁簡單。「奇異晨曦」外地曾試閘一次即勝，今仗跑直路賽排最佳之14檔，不妨留意。
至於第一場五班1200米泥地之「漸信名駒」，季內4次得亞軍而未勝，幕後當然心急開齋，今次用到當紅見習騎師潘明輝操刀，在最低班只需負118磅及排3檔，角逐入過Ｑ的泥地1200米，絕對係黃金機會，唔怪得葉楚航今朝咁緊張啦！