【本報訊】一向被指好鬥的特首梁振英,昨日接受電台訪問時,首度自稱曾考慮特赦違法人士,並以案件已進入司法程序,自己不能凌駕司法為由,透過行政決定特赦刑事案件被告人,但堅拒透露曾考慮特赦甚麼人,「乜嘢特定對象唔講喇」。警務處處長盧偉聰昨日表示,無向特首梁振英提出要特赦「七警」。有泛民議員質疑,梁振英說法屬馬後炮,批評梁振英任內不斷挑起社會矛盾。
記者:林俊謙
特首梁振英昨接受港台節目《星期六問責》訪問時,被問到民主黨主席胡志偉早前提出特赦論,他心中有否一刻想過特赦違法人士時,梁振英即說:「有,喺法律同各方面要考慮,但係進入司法程序的案件,我哋係唔可以特赦。」並稱現已無再考慮特赦。
避談對象是否佔領人士
問到何時考慮過特赦時,梁振英拒絕言明,只稱:「呢件事社會一提出嚟,我哋就有考慮,但係𠵱家由於喺司法程序當中,我哋不能凌駕司法,去做行政決定特赦刑事案件嘅被告人。」
問到是否想過特赦參加佔領運動人士時,梁振英稱,作為法律問題考慮,特首的確有此權力,「但乜嘢特定對象唔講喇」。問到最終為何未有特赦時,梁振英解釋:「香港檢察工作係獨立嘅,警方因任何事拘捕咗人,嗰件事就交畀律政司、刑事檢控專員負責決定,所有人包括特首同行政部門都不應輕易干預。」
梁振英隨後出席「香港回歸二十周年」活動,會後被問到曾考慮特赦甚麼人時,他拒作回應即離開。警務處處長盧偉聰就梁振英言論回應指,七警案已經進入上訴階段,暫時不作評論,並無向特首梁振英提出要特赦七警。
翻查紀錄,最早建議特赦佔領運動參與者和因此事犯法的警察,是佔中發起人戴耀廷於2014年12月10日報章訪問中提出。其後律政司司長袁國強於2015年1月26日出席立法會司法及法律事務委員會會議時,透露曾有特赦部份佔領人士意念,指「特赦方面,若我話我哋完全冇諗過,我哋就冇盡我哋嘅責任」,但袁稱政府結論是無論在法律觀點或實際運作上都是不適合。
民主黨立法會議員許智峯批評,梁振英昨日言論純屬馬後炮,指梁振英如真正有意願推動社會和解,任內就不應不斷司法覆核民選議員資格,以及瘋狂控告社運人士,不斷挑起社會矛盾,「連(熱血公民議員)鄭松泰啲小學雞行為都要告,我睇唔到佢(梁振英)幾有誠意和解囉」。
梁振英語錄
評特赦:
「我哋就有考慮,但係𠵱家由於喺司法程序中,我哋不能凌駕司法,做決定特赦刑事案件嘅人士。」
談開放公民廣場:
「未係適合時候……呢個地方我哋要考慮風險因素,因為係政府總部嚟。」
回應率團訪大灣區為搶林鄭風頭:
「呢個咁啱係(國務院總理)李克強3月5日,我哋卸任前3、4個月工作報告提出。」
論政改:
「社會上相當一部份有政治影響力嘅朋友,佢哋長期以嚟同內地同中央係冇接觸,長期以嚟對中央對香港嘅基本方針政策,以至對香港形勢評估,佢哋係缺乏認識,因此長期以嚟出現誤判。」