唔少賭仔都鍾意睇盤做人，深信盤口呢家嘢某程度上反映集體智慧甚至內幕貼士，如果信則有，咁36歲嘅車路士隊長泰利加盟阿仙奴一樣不是夢！皆因英國博彩公司《威廉希爾》周四表示，收到來自雷丁地區嘅大量散戶下注，令佢哋要將泰利下季加盟阿仙奴嘅賠率由34倍大幅升溫至6倍！
唔通阿仙奴領隊雲格只要唔使轉會費就流口水？抑或佢睇完泰利周四喺instagram上載嘅短片，見佢練波嗰陣依然腳腳七注，幾十碼遠射入得，連chip射都有番兩吓，英國《太陽報》更表示由於加利卡希爾突然染病，泰利話唔定喺周六對熱刺嘅英足盃4強有機會獲得重召！