推進民主運動唔能夠得把口嘅，係要扎根地區、從下而上，不過扎根地區一啲都唔易，所以要籌款儲定子彈！
民主黨今日開始賣獎券籌款，一直做到6月中，今次嘅獎券有10萬張，每張20蚊，不過最緊要都係獎品要夠吸引。
先嚟嘅係大獎13吋MacBook Air，雖然唔係頂級型號，不過文書處理都夠㗎喇；二獎就係屬於中等型號嘅9.7吋iPad Pro 128GB版，返工返學都啱用；而三獎就係Panasonic嘅金鑽西施電飯煲，送畀媽媽就啱晒；去到四、五獎都唔失禮，分別係4,000蚊嘅參茸海味禮品同埋Dyson吸塵機。
咁邊度有得買獎券呢？有興趣嘅朋友可以放心，民主黨話喎，會上下總動員，無論立法會定區議會議員，都會喺全港18區擺街站，相信梗有一個喺左近。