有線寬頻現曙光，由新世界主席鄭家純任大股東的永升（亞洲），將透過供股集資7.4億元入主有線寬頻，但身為股東之一的永升董事會主席邱達昌昨在記者會表示永升注資有線寬頻後，不排除裁減超過一成員工。
「唔好太多人事變動」
現為有線娛樂新聞主播的劉家聰，昨日到北角採訪前有線娛樂新聞主播黃翠如出席的時尚用品專門店開幕禮，劉家聰對公司有新投資者表示開心說：「希望電視業可以百花齊放，𠵱家有番希望。」可擔心裁員？劉家聰說：「我係藝員約，所以我都唔係好擔心，希望唔好有太多人事變動。」
翠如BB對娘家有線易主新聞也有留意，她說：「仍然有好多幕後嘅同事喺有線做緊，好開心聽到呢個消息，佢哋繼續喺自己崗位發揮，佢哋做得好出色。」提到翠如爸爸黃永華的上市公司股價單日升了14倍，翠如表示沒有留意，也沒有持股說：「股票號碼都唔知道，自己一向好踏實，賺自己錢自己使。」
張寶華望有肥雞餐
有線前新聞之花張寶華昨到銅鑼灣出席活動，對未來有線要裁員，張寶華說：「新老闆接手搞電視台，重整成本都好正常，因為要節省成本，10％比佢之前所講嘅cut三分之二，已經係大幅度減低咗。不過𠵱家傳媒好難做，個時勢又唔好，就算真係要cut人，都希望可以畀多啲優惠員工，即係可以畀肥雞餐佢哋，因為好多員工都做咗好耐。」
對未來有線會重視財經新聞，張寶華說：「睇香港𠵱家嘅發展，做財經嘅新聞其實係一個最好嘅避風口，有一定收視，但有線做得最好嘅唔止財經，中國組都做得好好。新老闆強調自己係香港仔，會捍衞香港，都幾啱聽，希望佢講得出做得到。」此外，香港電視創辦人兼主席王維基，前晚被問到對有線現曙光時以WhatsApp回應說：「I have nothing to comment.」
採訪：曹家誠、王連連
攝影：陳慧安、陳順禎
緊貼「蘋果VR」熱潮，打開雙眼隨意門，讓「蘋果VR」陪您探索新世界： https://goo.gl/b5RQAB
「蘋果VR」App
App store下載： https://goo.gl/0kW2cK
Google Play下載： https://goo.gl/4K7EHw