上周心水熱刺順利大捷，強勢延續，今周他們將會轉戰足總盃四強，而對手正是爭標死敵車路士。爭奪英超鬥入直路，熱刺今戰必求擊敗對手，先贏士氣，平手盤兼有「主場」之利，信熱刺可趁車仔新敗踩多腳。
車仔今季一直順風順水，多得球隊無歐洲戰線，所以絕少傷兵，但去到季尾直路，竟然連傷兩件，門將泰拔高圖爾斯打籃球傷出，就連今季表現搶鏡的翼衞馬高斯阿朗素也受傷，令車仔的3-4-2-1陣式折翼，威力大減；據報兩人上陣成疑，就連加利卡希爾也可能缺陣，要由泰利頂上。有時也要佩服摩連奴，有人笑人盯人過時，但在魔車戰中，他以安達靴里拉對付夏薩特，令車仔中場核心失靈；一個傳統的5-3-2反而令榜首車仔進退失據，也為其他球隊示範了，如何用中場搶贏車仔。
連續兩仗大勝4:0，前線如哈利卡尼（右）、迪利阿里和孫興民等當然腳風順，最重要還是其壓逼戰術犀利，車仔的尼高路簡迪當然是一夫當關，熱刺的雲耶馬也不是善類，配合迪比利和艾歷迪亞，整個中場防守力傲視英超。對住車仔只要專心穩守突擊，贏面不低。不要忘記，今次比賽的「中立場」溫布萊球場，是熱刺歐戰的主場，雖然戰績勁差，總算比車仔更習慣，預計踢來會得心應手。
目前英超爭標路上，車仔領先熱刺四分，而且賽程相對易踢；我不肯定普捷天奴有何盤算，若令車仔今季首次兩連敗，或者可帶來逆轉奇蹟。平手，決信大勇的熱刺。
仙道彬