【本報訊】一代賊王葉繼歡昨日因癌病離世，在電影《樹大招風》中負責執導任賢齊飾演葉國歡部份的導演歐文傑，昨日接受電話訪問時說：「最大反應可能係呢個月，《樹大招風》喺金像獎攞咗啲獎，然後佢喺呢個月離開，覺得好似同套戲講，人生到底係必然定偶然有啲脗合。」
在資料搜集中歐文傑漸漸覺得現實中的葉繼歡並不是想像般兇殘，作為頭號通緝犯，並沒有傷害過人質、亦沒有傷害或者殺死過途人，而且不少以為他犯的案，根本都與他無關：「佢最轟動嘅其實都係連劫5間金行，攞咗1,000萬贓物，但係同時間佢都冇傷害到人。」導演分析1991年當時警方的裝備，相對AK-47步槍有100米的射程，警察的手槍只可準確射到20至30米，葉繼歡有絕對優勢。在駁火過程沒有警員受到嚴重傷害，多少都可以反映葉繼歡只求防衞，歐文傑指在搜集資料過程中反思，對方是否就如普羅大眾所想般，葉繼歡是一名兇殘的賊王？
任賢齊：他已付出代價
每次有關葉繼歡的報道，都會配以一張當年由途人拍到，在旺角街頭一名戴着飛虎頭套手持AK-47步槍的照片，歐文傑說：「如果係彌敦道有個女途人死咗，有家庭觀眾影到相嗰單，我哋已經查咗唔關佢事，搵到當時嘅警務人員，單案亦都破咗，最慘大家都以為係佢。」歐文傑透露曾找翁靜晶幫手，希望接觸獄中的葉繼歡，翁小姐的回應是「如沒有必要最好不要騷擾對方」，所以最後都沒有跟葉繼歡見過面。
任賢齊則表示：「在電影中經歷了他一部份的人生。我相信這麼長的一段監獄生涯，他早已重新檢視自己，也為他之前所做的事付出了代價！」任達華在1996年的電影《悍匪》也飾演以葉繼歡為藍本的角色，任達華昨日回覆本報時表示：「既然成件事喺佢人生上畫咗句號，希望大家以此為鑑。冥冥中有主宰，所以凡做一件事要三思，呢件事畀大家一個借鏡，希望大家安守本份，否則嘅話，付出嘅代價好沉重。」
■記者何永寧
