大灣區喺邊？唔理三柒廿一，大灣一定有大鵬，狼特打算做領隊，帶人參觀大灣區，捉大鵬。
人民日報海外版配合，落力宣傳，呼籲港人珍惜發展機遇，講到明：全世界都想搭上中國這輛發展烈車，別人要排隊，但國家預留了座位給香港，機不可再，時不再來，想上車，要快！
阿爺吩咐狼，硬銷大灣上車，座標一路向西，起錶唔知價，大家被羊牯，點反應？
還在大學玩滴蠟的學生哥笑嘻嘻：「大灣區無feel，大鵰好玩好多lol。講真，大灣大鵬都無預我一份，到我畢業時，恐怕只能在井岡山排隊食塵！」
被拆屋的橫洲居民憤慨：「叫林鄭喺大灣起樓啦，無搞我地。哎，大灣到底喺新界邊忽？有無鄉黑？上了車，會不會好似第一城咁，五分鐘即被鎖？」
被DQ的議員冷笑：「上車？司機係689，車費係831，邊個敢坐這架黑的？」
睇過唔少禁書的書呆子震驚：「喺銅鑼灣鬧市都會被洗頭艇！被李波！人民日報當香港人零IQ，叫人自動上車去大灣，咪等於叫人去和合石擺酒！」
緊貼「蘋果VR」熱潮，打開雙眼隨意門，讓「蘋果VR」陪您探索新世界： https://goo.gl/b5RQAB
「蘋果VR」App
App store下載： https://goo.gl/0kW2cK
Google Play下載： https://goo.gl/4K7EHw