【本報訊】零售生意難做，有業主為保持人流，要劈價出租予短期客或搞特賣場，此風更已吹至商場。
合和（054）資產管理有限公司董事梁庇世表示，旗下九龍灣國際展貿中心商場E-Max因應自由行旅客銳減，去年把近萬呎面積轉做散貨場，10月起更正式搞名牌 Outlet，藉此吸引家庭客，「做番九成本地客生意」。
E-Max於2007年完成翻新工程，正值自由行風光之時，梁庇世感嘆：「以前我哋高峯嗰陣，一日有100架旅遊巴喺門口，但係最近幾個月只得10至20架。」目前中旅社於E-Max設跨境巴士站，為旅客提供往返內地服務，不過梁指自內地實施一周一行及取消零團費後，旅客人流已經銳減，商場遂把目標客群轉回本地居民身上。
E-Max本身位置吊腳，曾經多次轉型，如將保齡球場轉為戲院等。梁庇世指當初有意搞Outlet，源於去年曾經與商戶以抽取分成方式、出租舖面作短期散貨，發現成績竟然十分理想，「面積係近萬呎，啲人都會排長龍去買」，故認為Outlet可給商戶渠道清存貨，為商場生意提供轉機。
料二期明年暑假開業
E-Max第一期Outlet已營運近半年，佔地約5萬方呎，內有20多個品牌並以中檔次為主。記者曾在假日到訪Outlet，發現人流不俗，惟不少市民稱場內品牌選擇太少，買不到心頭好。E-Max現正改劃近12萬方呎、原屬名車展的地方，作擴充第二期，料明年暑假開業。
梁庇世認為，本港位於市中心的Outlet並不多，對比起其他對手，其商場有更多娛樂元素，「希望做到特別啲，係用娛樂做主導嘅市區購物倉」。
梁稱會規定商戶Outlet售賣商品的折扣一定要低過門市，個別產品低至兩折，產品約為半年前貨品，所以並非完全「Out」。
本港經營Outlet者眾多，其中開業已經17年的東涌東薈城Outlet雖然位處大嶼山，但早已成功建立知名度，假日人流暢旺。而今年2月才開業的「新丁」葵涌佛羅倫斯小鎮，則有不少國際品牌如Prada（1913）、Salvatore Ferragamo等坐鎮，但因面積較小，平日店內亦較冷清。
記者：范穎琛
【市民心聲】
梁先生：「呢個Outlet冇乜特別，買唔到嘢，男仔都慣性上網睇。（貨品）一定係唔Update架啦，賣剩蔗先拎出嚟賣嘛。」
李女士：「第一次嚟E-Max Outlet，諗住去HMV買嘢……牌子唔算好多，有行過東涌Outlet，呢邊好行啲，東涌迫啲但多選擇。」
