【本報訊】近年網購盛行、百貨公司生意倒退，令百麗等傳統零售商被邊緣化，但有分析認為，長年轉型不成才是百麗生意不斷惡化的主因。
分析員：等多年價仲低
據分析員透露，管理層曾於分析員會議上坦言「唔敢變」，「其實係知道要變嘅，但係唔敢去做，盛百椒（行政總裁）講到明『有大轉變即係有risk（風險）』」。她續稱，對比其他積極擴網店的零售商，百麗顯然對這類新零售模式「摸唔透」，「我唔夠膽話佢會死梗，但銷售渠道好明顯要改變，網店大把又平又靚，點解要買百麗高踭鞋？𠵱家啲人都買波鞋啦，如果有私募基金收購再轉型，唔排除佢會做得好嘅」。情況有如最近被阿里巴巴私有化的銀泰（1833）。
有外資分析員認為，百麗鞋類業務遠未見底，近年盛百椒亦一改以往強勢作風，肯「認低威」坦言自己不知如何轉型，「最近佢哋直情連margin（利潤率）目標都唔再畀，叫我哋唔好再問」。
該分析員又認為，鼎暉出手時間未算太理想，「𠵱家股價其實未夠殘，如果佢等多一年，個（收購）價應該可以仲低」。