友人「報料」，指有財演刷新推股份新紀錄。友人說：「呢個財演勁就好多人都知，佢睇好，你沽貨就冇錯㗎喇，點知今次仲勁，最近7隻佢叫人買嘅股票，有7隻係跌㗎！真係炒股炒咁耐，都冇見過呢啲奇景……可能你自己掟飛標掟7隻，都唔會7隻輸晒，你話勁唔勁？」
選7隻股7隻都跌，難度並不是常人能及。友人笑指，那財演「7貼7輸」不算最厲害，更厲害是那7隻股份不是一般的輸，是大輸。他說：「由佢推介開始計，嗰7隻輸錢嘅股票，2隻股價係冇咗超過一半，輸得最勁嗰隻，就輸咗超過65%㗎！所以唔係一般嘅勁，係好鬼勁。」
餘下股份又如何？友人說：「剩返嗰5隻，有1隻就輸超過20%，2隻就輸超過10%，剩返嗰兩隻就輸7%同1%……我諗都唔使我評佢得唔得啦，喺股票市場，數據係真理，冇得呃嘅。」
正所謂「識得用其實可以好好用」，若把那財演推介股份名單掉轉做，個個都可做股神？友人搖搖頭笑說：「佢推嗰啲股隻隻岩巉繞口，冇得沽空㗎。」哈哈，結果也是無用。
密西比