喺上周二多蒙特隊巴遭受炸彈襲擊中右手手腕受傷，而需要接受手術嘅「蜜蜂兵團」西班牙後衞馬斯巴查，喺上個星期六已經出院返屋企休養，而同巴查一齊喺巴塞隆拿青訓出身嘅佐迪艾巴同埋布斯基斯都算有情有義，趁有空檔專程飛咗去德國探望巴查，艾巴仲將三人嘅合照上載到佢嘅社交網頁ig，佢仲留言話：「老友，可以到見你兼且同你有講有笑，我真係好開心！」