大家要留意由於賽期變動，未來一次快活谷夜馬並非本周三（19日）舉行，而是於本周四（20日）晚上演，雷神莫雷拉屆時停賽期滿將會復出。
當晚雷神的新座騎，包括列陣五班2200米，鄭俊偉馬房的「悅悅友福」。
這匹5歲本港拍賣會馬，由蘇永強以220萬投得，服役18戰未勝，當然質素非高，但其實上場配韋達跑田草2000米，本來大有機會爭勝，當日1檔起步，沿途守好位，到最後直路表面上前面空位不多，但其實不算太塞，偷位上前難度應非太高，可惜韋達似堅決安全至上，等足成條直路，始終未能搵位殺上，無疑避免了意外事件發生，可平安過終點，但隻馬就慘咯，完全未真正衝過，本應穩入三甲，卻只能跑第五，令人嘆息。
本周四晚韋達開始停賽，「悅悅友福」借勢初配雷神，對馬匹本身、馬主、雷神及鄭俊偉而言，可以話四贏局面，雷神嘅靈活搶位騎法，梗唔會同你玩保守。「悅悅友福」季初曾評30分跑第二，當時成熟勇態遠不及現在，如今26分大大有利，即管睇睇「五班處女馬救星」雷神點發揮。