現年26歲蔡梓銘，曾參加第一屆《亞洲星光大道》奪得季軍，亞視去年熄機前，他已轉行做中醫。
想當年19歲入行，蔡梓銘不但兼顧幕前演出，還考到中文大學中醫系，去年執業掛牌行醫，他表示初期在佐敦開館行醫：「收銀、聯絡、客戶經理同reception都係一腳踢，做咗一年覺得時機成熟，轉咗嚟油麻地大啲地方。」蔡梓銘認同做中醫要有使命感，他說：「讀中醫、唱歌同以前做亞視好似冇關係，我有個使命係推廣中醫學畀年輕人，出到去學校講學，同佢哋唱番隻歌，成件事唔同。」
曾為朋友施針
蔡梓銘回想學醫時試過為腳患朋友施針，令友人減輕痛苦，所以更令他堅決做個好醫生，他也相信病人情緒會影響病情，他說：「睇病之外，仲會同病人傾吓偈，用藥、針灸、推拿可以醫病，但能夠講嘢醫到人，先喺中醫學。」蔡梓銘的雙親支持他做中醫，全職主婦的媽咪更有到診所幫囝囝手執藥，他說：「有一種使命感，希望透過媒體同講座，喺青少年教育上做一啲嘢，推動中醫，將一啲好同正面嘅價值觀、思想同佢哋分享。」
「藝人外表光鮮」
對於幕前演出，蔡梓銘並不留戀，他自爆曾有同學問到藝人是否好賺錢，蔡梓銘說：「唔好賺，特別係新入職，記得第一次收支票，滿心歡喜，一打開睇係120蚊，嗰時做一個騷係600蚊，PR騷係計0.2個騷，有冇搞錯呀，做咗成個月嘢得120蚊。藝人外表光鮮，生活有啲都會拮据。」他自爆臨離開亞視前，連底薪都有差不多兩萬元。
採訪：何永寧