復活節特首梁振英又休假嘞；新聞處早前公佈，佢喺15日（周六）至17日離港，其間由政務司司長張建宗署理特首職務。由於係私人行程，政府冇公佈梁振英去邊放假，但只係離港3日極有可能係短途旅行。
有讀者話喺廣州長隆，發現梁振英嘅影蹤，而梁太唐青儀同囡囡梁齊昕亦有同行。讀者朱先生話，前日下午約兩點半喺長隆遇上第一家庭，佢向《蘋果》提供嘅相片可見，梁氏一家三口坐喺園內嘅觀光車，梁振英同太太一齊坐，齊昕則坐喺佢哋後面，佢哋3個見有人影佢哋相，齊齊望向拍攝方向。而梁振英返港無耐，亦要再起行，本周要帶特區官員團考察大灣區。