【本報訊】沙田第一城業主委員會主席兼當區區議員黃嘉榮表示，屋苑車輛違泊問題嚴重，直斥駕駛者寧願「慳10幾蚊」也不泊停車場，冒鎖車風險停泊街邊，「到底係屋苑問題，抑或係駕駛者問題？」他又強調並非靠鎖車作為屋苑的部份收入，
黃嘉榮稱，「佢（駕駛者）只要係坐喺架車度，我哋會驅趕佢，但佢唔走，我哋都冇符……但係個啲態度好曳嘅司機擺低架車就走咗去，阻住啲地方，我哋先鎖佢」。
他指附近屋苑無大型商場和街市，不少人會在第一城違泊，然後消費及買餸等，「對第一城街坊好唔公道」；又指屋苑有足夠車位供訪客租用，「唔搵個合法車位而泊喺街，我覺得係駕駛者嘅態度問題」。
鎖車公司分佣3分2
他承認鎖車公司會按鎖車數目分佣，以現時每架違泊車輛收費每日320元為例，「大約佢（鎖車公司）佔2/3，我（屋苑）佔1/3」。根據《道路交通（私家路上泊車）規例》（第374O章），私家路擁有人有權鎖上及/或拖走任何並非妥為停泊在私家路指定範圍內的車輛。
■記者張文鈴