人紅招妒忌，入完歐戰100球嘅基斯坦奴朗拿度（C朗），啱啱先被小報爆料話背住女友暗撻天氣女郎，又有負面花邊新聞流出，就係之前曾自稱同佢有一腿嘅意大利名模Elisa De Panicis，上電視真人騷大爆呢位皇馬球星平時拍嗰啲露肉廣告，成日展示自己性感身材，其實唔係真材實料，而係做咗手腳。
Elisa特別指出，例如有時拍到C朗着底褲時「激凸」，其實係喺入面加咗墊，所以大家誤會以為佢好雄偉，根本就唔係嗰回事，仲話自己同C朗床上激戰過，只有佢最清楚。當然，C朗從來冇認過同Elisa有咩關係，信唔信呢個女人講，就閣下自行判斷啦！