【本報訊】首個明火熟食墟市昨日開幕，關注綜援低收入聯盟等多個地區團體由昨日起，於深水埗舉行為期兩日的復活節墟市，除乾貨檔外，更有本港首次合法使用明火煮食的熟食檔，吸引大批市民前來一嚐街頭美食。有出售狗仔粉的攤檔，開售一小時後已經售罄食物；售賣土耳其咖啡的攤檔亦人流如潮。有趁墟的市民表示，墟市極具特色，希望日後可以墟市文化擴展至其他社區。
記者：紀靜雯
深水埗復活節墟市共有14檔熟食檔及36檔乾貨檔，其中有8檔首次獲准合法地使用明火氣體爐，其他檔則使用電磁爐或不需爐具。關綜聯組織幹事李國權表示，是次墟市重現了明火煮食，是為一大突破，「差唔多係時候政府要諗吓具體墟市落實嘅政策」，令更多社區享有明火墟市活動。
盼政府支持本土特色
曾於農曆新年墟市擺賣熟食檔的林太指，其攤檔於開售一小時後，狗仔粉已全部售罄，「以為今晚7、8點都賣唔晒，點知唔使一個鐘兩大煲狗仔粉已經賣晒，但食物係畀上次預多咗一倍，都賣晒」，並笑言可提早收爐，「之後去旁邊幫其他攤檔推廣吓，希望一齊旺！」林太希望墟市可持續發展，「我哋想話畀政府聽，其實香港市民消費模式改變咗，想搵番本土特色、搵番以前自己食過嘅特色嘢食，惟有墟市先可以滿足到」。
梁先生擺檔售賣紅油抄手及糖不甩，吸引不少市民排隊品嚐。對於首次使用明火煮食，他表示支持，「上次電磁爐個火好慢，呢家個火都OK，快啲、同埋易啲熟」，但他認為仍有改善空間，「如果有兩個爐更加好，因為煮糖不甩就煮唔到紅油抄手」。出售土耳其咖啡的攤檔則人流最旺，檔主葉小姐指，政府近年對墟市取態支持，「佢肯搞呢個墟市已經係好開始，期望日後可常設」。
昨日有不少趁墟「初哥」。陳小姐在友人推薦下到墟市趁熱鬧，認為熟食檔十分吸引。她支持日後多舉辦墟市活動，「係一種特色，假日搞可以吸引更多人嚟，其他人嚟亦可以認識到本地文化，有一個地方畀一家大細或者情侶嚟都係一件好事」。
呂先生稱，墟市熟食區最為吸引，亦支持使用明火煮食，「配套做得好無問題」，期望日後可以將明火煮食墟市擴展至其他社區，「只要配套做得好，啲位闊啲，應該無問題」。
