尹揚明、邵仲衡、蔣祖曼、陳子豐和楊偲泳日前在九龍塘廢置住宅大廈拍攝ViuTV新劇《詭探》，尹揚明相隔17年再次拍劇，他說：「做演員都係睇劇本，覺得好玩就去做㗎！子豐聽聽話話，玩埋又開心，冇代溝。」
講到以前拍劇的辛酸，尹揚明說：「最高紀錄試過一日拍成25場廠景，𠵱家梗係舒服好多啦！相比以前喺嗰個台，乜都要自己搞掂晒，𠵱家乜都有人安排，呢種舒服真係從來都未試過！」同場的蔣祖曼則投訴邵仲衡擅自改劇本，蔣祖曼又在劇中對昆蟲做戲，她說：「開咗工幾日已經見到蜈蚣、麵包蟲之類，而佢（邵仲衡）就成日同導演要求將昆蟲擺上身，真係嚇死人！」
撰文：非非