文家良馬房3歲澳洲自購馬「開心歡星」可謂馬房未來重要希望之一，此駒今季才抵港，插三班後跑過兩場田草1200米，初出包廂受困亦得第四；上仗雷神莫雷拉操刀，力戰得季軍只輸半馬位，未勝純粹輸蝕多少進度而已。
「開心歡星」下周一（17日）沙田日馬將再出，角逐同程第七場三班1200米草地，由於雷神停賽，換上史卓豐執韁。豐豐難得獲此實力座騎，當然非常珍惜，本周一首次過檔彈草閘拍跳後，今朝再親操一課，在大圈單跳，馬兒收身紮實毛色靚，情緒集中，狀態比前更進一步。
「開心歡星」快試後，廐主文家良少有地到機坪接馬，向豐豐問長問短，又仔細觀察此駒神態，非常認真，動靜顯示他亦心急為「開心歡星」贏馬交代；雷神稍後復出隨時取回策騎，趁今仗有幸抽到黃金一檔，豐豐唔搏勢係假咯！