隔牆有耳：
試題以外　港人愛煲旅遊書 - 李八方

香港人真係好鍾意去旅行噃！民政事務局文件顯示，舊年公共圖書館最多人借嘅10本中文非小說類書，竟然有9本都係旅遊天書，當中7本都係關於日本，好似《東京食玩買終極天書》咁，借閱量全部都超過8,000次！

香港人真係好鍾意去旅行噃！民政事務局文件顯示，舊年公共圖書館最多人借嘅10本中文非小說類書，竟然有9本都係旅遊天書，當中7本都係關於日本，好似《東京食玩買終極天書》咁，借閱量全部都超過8,000次！打敗一眾旅遊天書嘅竟然係由考評局出版嘅《香港中學文憑試．中國語文》，超過12,000次借閱量當中包括埋評卷參考、聆聽考試CD同前幾年嘅試題專輯，好受學生歡迎，以異類姿態登榜首。
成人英文非小說類書籍排名亦有類似情況，排首位係英文文憑試卷題目，借閱量更達14,342次，10個排名中有3個同公開試有關，唔少網民好灰咁話香港人嘅人生就等於考試同食買玩，又有人覺得香港無閱讀文化可言。而成人小說方面，金庸嘅《射鵰英雄傳》排第一，借閱量為10,030次，另外7部小說包括《鹿鼎記》等亦榜上有名。