【姊妹花情緣騙案】
【本報訊】花名「肥仔」的已婚漢疑騙去24歲女網友及其姊368萬元，被控欺詐一案，辯方昨續盤問參與調查的元朗警區重案組探員，其中警署警長承認與同袍商量處理證物單據時曾爆粗「搣X咗佢囉」，但他指「純粹講笑」。
記者：楊思雅
昨有8名警務人員出庭，包括警司陳少鳴。辯方向他查詢肥仔朱德暉（35歲）被羈押位置時，他回答後補充：「位置有冇調轉我唔知，阿法官」。
警司作供遭法官斥
法官陳仲衡不悅斥「我哋唔會叫『阿法官』」，陳少鳴即致歉「唔好意思法官大人」。他作供完畢後，走向男廁邊大聲自言自語說「等我去個廁所先」，之後失去影蹤，避過傳媒拍攝，相信他從男廁旁的後樓梯離開。
此外，庭上再播放警方不慎錄影的「爆粗」片，警署警長伍劍雄指片中說「喂X！大X鑊呀……當聽唔到……又話Dyson風扇又話剩」的人是他，並非辯方所指的偵緝警員李宏達。
伍解釋說「大X鑊呀」是欲嚇一嚇警員畢華康，因畢未有完成證物單據分析便錄取會面；至於「當聽唔到……當唔X知去X咗邊」，意思指他不會主動向督察提及未有分析一事，及「當啲單據唔知擺咗係邊，所以冇分析到，咁會鬧少啲」。
片段中當畢問他如何處理單據時，他回應「你咪話呢啲唔關事咪得囉……唉呢啲宣傳單張嚟嘅……搣X咗佢囉」，他解釋全是開玩笑，強調警方會面中出示的單據必須列為證物，「無可能搣咗佢，呢啲係純粹講笑！」
辯方盤問負責押解肥仔回住所搜查的警員李宏達時，問李有否看見一部Dyson風扇，法官打斷謂正常未必會留意電器牌子，辯方解釋Dyson風扇形狀很特別，「中間有個窿」。
李回應「見到好多電器，有一部Dyson吸塵機，有風扇，中間有個窿嘅都有」，惟不知牌子是否Dyson。聆訊下周四續。
案件編號：DCCC871/16
