【本報訊】一名港鐵外判工人前日凌晨在上環站管道更換路軌時突然病發猝死，遺下妻子與就讀大學的兒子徬徨無依，一家頓失經濟支拄。妻兒及親友一行6人昨晨到殮房認屍，其間兩母子相擁痛哭。
57歲死者黃國基，與妻兒一家三口同住葵興邨。他本身患糖尿病，日常晚上11時出門上班，至清晨才回家，月入一萬多元。其21歲兒子力臻就讀中文大學數學及數學教育五年制學士學位課程，現正是四年級，還有一年才畢業；黃妻則打散工，早上到港鐵站派報紙，下午則做半職包裝工人。
力臻對父親遽然而逝悲傷不已，他回想爸爸生前點滴不禁哽咽：「我朝早5點幾起身去做實習，爸爸就放工回來，我哋一齊整早餐，有時我焗麵包，佢就話焗多塊畀我！」力臻又指小時候父親經常陪他下棋及打乒乓波，到自己日漸長大，「好多時未必同爸爸咁多嘢傾，但可能媽媽未放工，得我同爸爸食飯，可能我食牛扒，佢食雞扒，我切啲畀佢，佢切啲畀我，已經係好珍貴嘅交流」。
如今爸爸已不在，力臻最想向爸爸說聲：「Daddy, I love you !」亦多謝爸爸一直辛苦工作，養活自己和媽媽。他承諾：「日後畢業會好好照顧媽咪，我會做埋爸爸未做剩低嗰一部份 !」
「蘋果日報慈善基金」先遣關顧主任正關顧「黃國基遺屬」之緊急援助需要。
「黃國基遺屬」暖流之友編號：C4303