內地央企老總出名人工低，相對長和（001）大班霍建寧一年袋2億，內地三大電訊商董事長，年薪最多嘅中電信（728）楊杰都只係霍大班嘅0.5%，可想而知有幾奀。
三大電訊商董事長2015年大執位，同時要大減人工，根據最新年報，三位董事長嘅年薪介乎57.3萬元至115.3萬元（人民幣．下同），比2014年足足減左一半。
當中以聯通（762）董事長王曉初人工最低，得57.3萬元，中移動（941）董事長尚冰就以61.98萬元排第二，市值最細嘅中電信董事長楊杰反而人工最高，有115.3萬元，足足係佢上手王曉初嘅兩倍！