【姊妹花情緣騙案】
【本報訊】花名「肥仔」的已婚漢疑以花言巧語欺騙24歲女網友，並騙去網友及其姊368萬元，案件續審。肥仔投訴警方搜屋期間白吃白喝，擅自打開雪櫃「拎嘢飲、食薯片」，更如大爺般甫入屋便開啟全屋冷氣。其後警方為肥仔錄取口供後，一時不慎未有關上錄影機，拍下警員發現沒撿取證物Dyson風扇後竟建議：「算啦，當唔X知去X咗邊」。
記者：楊思雅
被告肥仔朱德暉（35歲）日前投訴遭警方屈打成招。辯方昨盤問負責拘捕的偵緝警員畢華康，指出有警員去年7月13日拘捕被告後不但用粗口指罵他，更恐嚇要他承認欺詐，否則「返去（警署）執劑勁嘅你嘆」。畢否認。
被指開全屋冷氣如大爺
辯方又指，被告即晚被解往租住的酒店搜查，包括警司陳少鳴、三名警長及畢在內的警務人員在場白飲白食，「你哋隊開咗人哋迷你酒吧啲薯片、咖啡、嘢飲，自己喺度食」。未待辯方完成發問，畢庭上卻忍俊不禁，辯方即嚴肅提醒「唔好笑住呀」，畢忍笑否認。辯方又指被告在調查期間不獲安排進食，畢反駁謂：「佢食咗碗佢自己買嘅麵！」
完成酒店搜查後，眾警包括案件主管高級督察張俊朗在內，再押解被告返元朗住所搜查。辯方指眾人甫入屋便開冷氣，又打開雪櫃拿飲品解渴，更將被告從日本買來的薯片「開晒嚟食」，猶如大爺般「喺人哋屋企攞人哋啲嘢食，開晒冷氣」。畢亦否認。
畢又否認為肥仔錄取警誡會面前曾恐嚇他「唔好講錯嘢」，亦否認吩咐被告「自己度掂條數，湊夠360萬」。
庭上播放會面片段，被告向畢及偵緝警員李宏達承認用騙款買了一部Dyson風扇，惟當被告完成錄影步出會面室後，警員未有停止錄影，拍下一段長約一分鐘、顯示畢與李討論案件的對話。
畫面所見，兩人不斷大笑，李指：「喂X！大X鑊呀……當聽唔到……又話Dyson風扇又話剩。」及後他們發現未有撿取該風扇作證物，李建議：「算啦，當唔X知去X咗邊。」畢附和謂：「都係嗰啲，嗰日冇撿取返嚟。」
畢及後問：「啲單據咁問唔問好呢？」李回應：「你咪話呢啲唔關事咪得囉……唉呢啲宣傳單張嚟嘅。」畢聞言竊笑，李又補充指：「搣X咗佢囉之後！」兩人再次竊笑。此時畢發現錄影機仍在運作，疑惑指：「咦？點呀喂，咁耐嘅？」李亦謂：「未停喎，未停定係咩呀？」及後畫面中斷。
辯方指畢指示被告在當晚第二次錄影會面中，一旦提及Dyson風扇時要稱「爛咗、掉咗、唔見咗」，又謂「有啲單冇問你，就當傳單搣晒佢。」畢又否認。聆訊今續。
案件編號：DCCC871/16