Square Enix剛剛在日本公佈新RPG遊戲《勇者鬥惡龍XI 尋覓逝去的時光》的PS4版及3DS版都會同步於7月29日推出，當然亦會一如慣例，將會有大量相關遊戲產品同步推出，目前最吸引是由日本遊戲周邊生產商Hori推出的「勇者鬥惡龍史萊姆控制器 for PlayStation 4」，本身既可非常可愛的座枱擺設外，底部更係一個有齊方向鍵、Analog搖桿、按鈕、觸控區的完整DualShock 4無線手掣，只係差在無LED燈、咪高峰端子、喇叭同動態感應器，相信各位「勇者」都應會收貨。如果記憶力好的話，新PS4版史萊姆手掣其實同2004年Hori為PS2版《勇者鬥惡龍VIII》的史萊姆手掣好相似，只係新版換成無線設計；新PS4版史萊姆手掣都會在7月29日推出，定價9,980日圓（未稅）（約$708），Fans們絕對值得收藏。順帶一提，香港PlayStation亦已公佈會推出中文版《勇者鬥惡龍XI 尋覓逝去的時光》，不過預計要到冬天先會推出。
資料來源：Game Watch, Hori
文：布偉倫
2017果籽繼續認真知味。識買惜用。行以求知。好事多為。重修舊好。
緊貼果籽報道，即like： http://fb.me/AS.AppleDaily
