日本藥妝品牌Decora Girl和「元祖級擦膠」品牌Radar crossover，推出美白護膚系列。這次系列共有5款產品，潔面、去角質、爽膚水、精華、乳液，單睇包裝已經少女心湧現，一絲絲中學情懷簡直「點滴在心頭」，超懷念以前鉛筆擦膠的學生時期。而故意設計成擦膠外表，原來是寓意能像擦膠般，擦走面上瑕疵，淨白肌膚。本來只有日本發售，近日香港終於有得買，但暫時只在莎莎有售，想知到底是否「好睇唔好用」，記者立即開箱試用！
洗面乳的質地和一般無異，加水後搓揉泡泡不多，不過尚算濃密。記者把眼影、唇膏和防水眼線畫在手背，再用洗面乳清洗，效果令人驚喜，只剩極少眼線殘留，清潔力不俗。去角質凝膠呈箒喱狀，質地水潤，推開後變得更水潤，打圈按摩亦沒有拉扯皮膚，加分！不過洗面和去角質後，測試手背水份只有19.4%，比起未清潔之前的21.6%，乾了2.2個百分點，略嫌有點繃緊。
繼續試用後續保濕產品，先用化妝水，後用精華和乳液。化妝水質地超輕身，精華和乳液都很易推，一泵份量夠全而使用。用後清爽不笠，適合夏天使用。保濕後濕度56.3%，比之前19.4%上升1.9倍！一小時後再測手背水份，濕度54.2%，持久力亦不錯！
記者：劉芷晞
攝影：周芝瑩
2017果籽繼續認真知味。識買惜用。行以求知。好事多為。重修舊好。
緊貼果籽報道，即like： http://fb.me/AS.AppleDaily