係咪臨別在即，令中大校長沈祖堯倍添離愁別緒？祖堯BB發表嘅最新網誌話，見到中大同學仔戴上四方帽，特別值得祝福，同時話心情好忐忑，唔知同學步入社會後，能否好好應付種種挑戰？
滿足挫敗源自學生
佢就感懷身世，話不知不覺為人師表逾廿載，做校長都快7年，呢這幾年嘅最大滿足同最大挫敗都同學生有關，「從百萬大道千人共看世界盃，到百萬大道的麻將爭議；從校園內各種議題的爭論，到社會上的政治風波；從千人宴的吃喝歡樂，到網上以至公開的批評」，令佢留下難以忘懷嘅回憶。
學生畢業在即，亦係佢離任前夕，佢特別分享三段蘇東坡嘅詩詞共勉，包括《定風波》，冀同學唔好太睇重得失，話經過風雨洗禮，會令生命更有領悟，自言在任校長呢幾年都算略經風雨，教懂佢要忍耐同知足。