昨早國泰君安（2611）高層們出席上市儀式，連同港交所（388）代表，咁啱得咁橋清一色19位都係男人，呢19位男人來個交叉式手牽手，化身一條「蜈蚣」拍照。然後一班國泰君安女職員亦加入起哄，更唔理長裙定短裙，齊來上前踎低前排拍照。一班高層兼女職員咁落力之下，國泰君安險守招股價，第一口價以至中午收市價均為招股價15.84元，最高曾見15.94元，並一度跌穿招股價低見15.78元，成交13.51億元。
大家可能問，2611又係國泰君安，1788又係國泰君安，點分呀。2611係1788嘅母公司，係內地券商，而1788全名係叫國泰君安國際，以後要加「國際」兩個字喺後面，呢隻主要係2611旗下嘅香港證券業務，除主攻港股外，要包攬大陸客買海外股票業務，大家以後要識分啦。