【本報訊】研訊昨傳召多名醫生護士，死者遺孀黃惠珍念念不忘一個問題：「點解明知我先生緊急都唔醫佢？」昨日結案陳詞時她終有機會一口氣抒發3年來的悲痛，爆喊憶述當日接獲醫院通知後趕往探望丈夫，丈夫已半暈及在嘔血，「一叫佢一聲，啲血噴晒出嚟，可能佢好想同我講嘢但冇機會」。她形容喪夫是三生之痛，「人生最失望就係冇咗呢個好好先生，入醫院點解會係錯嘅……」
黃指丈夫積極對抗病魔，強調科學發達必定能醫好，並以子女作精神支柱：「我仲有3個仔女咁細！」幼女亦一直鼓勵丈夫，兒子則每天放學打開門等爸爸覆診回家。
提及丈夫 子女落淚
怎料丈夫當日頭暈入院後，便與一家陰陽永訣，「個女都有問我，點解媽咪返，爹哋都未返嚟？」她3年來都揮不去苦痛，每天都想起深愛的丈夫，每當她提及丈夫，子女便不忍落淚。
當黃聞及丈夫入院5小時都無人醫治時不禁哀嘆：「5個鐘頭之間，對一個家庭希望幾大！」她最遺憾是丈夫入院後一句說話也說不到，惟願其他病人不會這樣離開家人，「一入去就冇回頭」，「永遠都唔會解決呢個心痛嘅問題！」
■記者勞東來