【本報訊】滙豐IT的長工與合約員工「親疏有別」，合約員工除了沒有「肥雞餐」外，僱員福利亦差天共地。Samuel（化名）指，平日合約員工不能進入長工專用的樓層進膳，年假僅7日，遠少於長工。
Samuel於滙豐IT部主要負責產品開發，過往參與不少大Project，包括滙豐2月份大力推廣的P2P手機過數應用程式「Pay Me」。雖然不是長工，但Samuel指平日工作「基本上都係7乘24（做足7日24小時）」，大假方面卻只得7日，反觀長工大假多達35日。
「你話人工我就唔敢講係咪會差過長工，但福利就差好多，好似食飯咁，office有一層只係開放畀長工，合約員工係冇得入。」他指，接近一半長工加入滙豐逾10年，部門近年已沒再聘請長工，改為不斷聘用合約員工，並外判工序予印度等地。
「雖然外地人工平，但如果將大部份工序外判，對銀行服務點都會有少部份影響。」Samuel坦言，以往與印度等地的員工合作，溝通上有不少困難，「好似印度、英國就有時差問題，內地員工睇法就好多時同香港人有分歧。」香港人尤以效率高見稱，以1日便可完成的工作為例，Samuel直言「印度要拖成2至3星期，好多時只係因為佢哋冇check email，就停手唔做。」