周三晚（12日）谷草八場草地賽事用A欄，看回最近3月8日同一移欄賽事，後追馬唔會話蝕底，尤其中長途賽事更明顯，當晚三場一哩或以上賽事頭馬「聚歡笑」、「越駿寶」及「大情人」全部居後位置後上建功，就算短途亦見「駿明珍寶」及「帶盈來」後上贏，靠後勁食糊馬不妨秤先。
今戰列陣馬中，出戰六場三班2200米賽事的「大情人」（賀賢馬房），上仗正是於3月8日谷A欄賽事勝出，贏完等番同一移欄強配潘頓再跑，睇部署有心想添食。
另外，受訓於沈集成馬房將安排「發明小子」出戰尾場二班1650米賽事，此駒兩次角逐谷A欄一哩全勝，後追馬場地性能甚佳，配史卓豐下值得優先留意。