唔少年輕人都想創業，香港中華出入口商會喺民政事務局青年發展基金支持下，推出「青年壯志-I am the boss」資助計劃，支援18至35歲嘅創業者，成功申請可獲資助最多45萬創業資金。
貼地氣導師做顧問
但錢並唔係呢個計劃嘅最大賣點，中出商會副秘書長許華傑hardsell佢哋同時提供培訓同顧問服務，由營商導師畀意見：「我哋嘅導師雖然唔係世界明星級，但全部都好貼地氣、好有經驗。」而且傾向寬鬆還款期，申請人喺計劃期內連續3個月有盈餘下，第4個月先開始每月償還當月盈利嘅20%，減輕營運資金壓力。
有冇貼士畀參加者？許華傑話計劃完全冇任何框框，「唔一定要搞IT，賣魚蛋都得，至緊要sell得我哋服，覺得係可行」。第一期計劃即日起至5月15日接受申請，想做boss可參閱此網站： http://hkciea.org.hk/2017/02/23/youth_development_fund/ 。