早在1972年推出的Atari遊戲Pong被譽為是第一款街機電子遊戲，雖然玩法簡單，只需控制己方的槳將球打向對方區域，但在當時來說已是劃時代產品，亦是後來好多玩家推崇的經典遊戲。早前就有朋友決定向這款經典遊戲致敬
，設計出一張內置了注入未來元素Atari Pong遊戲的遊戲咖啡枱並放上Kickstarter集資，目標額為250,000美元。Pong遊戲咖啡枱使用磁力同摩打控制以長方體設計的槳同立方體設計的球之運動方向，非常有型，但在操控方法就忠於原著，使用己方的轉盤控制槳左右移動，再按掣將球擊出，可謂是將經典與未來融合得天衣無縫。當然這張遊戲咖啡台並非只有遊戲單一功能，咖啡台上已加入4組USB端子為手機充電，此外亦內置藍芽喇叭，可將手機無線連接到咖啡枱上播歌，而且只要蓋上特製蓋子就可變成一張正正常常的咖啡枱，唔怕整花枱面玻璃。
Pong遊戲咖啡枱概念確實幾正，不過一來咖啡枱體積唔細，二來價錢比較高，最低早鳥價錢為1,100美元，最初都以為今次集資有機會唔成功；但好在到臨截止前3日前終成功達標，最新數字已達260,000美元，還想訂的朋友記得把握最後機會出手，預計12月就會正式付運。
影片： https://youtu.be/ulFX2sw0sm0
資料來源：Kickstarter
文：布偉倫
2017果籽繼續認真知味。識買惜用。行以求知。好事多為。重修舊好。
緊貼果籽報道，即like： http://fb.me/AS.AppleDaily