【本報訊】香港中學文憑試（DSE）周六（8日）舉行英文科卷三聆聽考試，繼早前有考生投訴試場監考主任「睇錯鐘、早收卷」，本報昨亦接獲同類投訴；亦有考生指試場錄音程式出錯，或影響成績。
考生呆等逾10分鐘
應屆DSE考生林同學周六於柴灣寶血女子中學進行英文科卷三聆聽考試，她指系統在開考前多次重複播放「填寫考生編號」的指引錄音，最終考生需呆坐10多分鐘，至10時27分才開考。
林認為監試主任處理不公，「大部份考生填寫個人資料後，都有2分鐘預習試卷，之後再直接入Task 1（試卷第一部份），但我哋預習完之後就要再等成10分鐘，開考時都唔記得晒啲題目啦」。她又指她中、英文聆聽試均在同一試場遇上失誤，擔心影響發揮，「作為考生都驚，畀咗心理準備考試又突然咁，試場主任又冇解釋」。她稱已要求考評局跟進；亦有考生指前日於明愛馬鞍山中學考英文聆聽試，惟監校主任計錯時間，提早5分鐘收卷。
考評局回覆指會跟進事件，檢視試場及考生報告，並交由常設委員會考慮，如情況屬實，委員會將評估有關情況對考生有否實際影響，以作出適當跟進，確保考生獲得公平評核。
■記者葉偉東