【比較台灣】
【本報訊】ATUM成立前，成員已有豐富新聞攝影經驗，亦曾在國際比賽中獲獎。2016年年初台灣總統大選，Billy曾到當地拍攝實況，以攝影師的角度觀察，對比港台群眾表情，他形容台灣人激昂無懼「勇往直前」，深信只要決心夠大便能選出理想領袖；而香港人同樣懷有希望，不過就「好現實」，「因為知道自己冇票」。
2014年雨傘運動期間，林亦非曾到現場拍攝，其後聯同居港德國攝影師Michael Wolf出版攝影集《Hong Kong Umbrella》。轉眼間來到2017年3月，愛丁堡廣場集會上，港人又再拿出手機揮舞，場面似曾相識，「我諗好多香港人都會有感受，見到呢一幕勾起好多記憶」，而兩者的共通點，「就係參與嘅人都係為咗一個更加好嘅香港、社會，為咗心入面嘅公義走出嚟，想令社會有啲改變」，那一刻的香港人，其實都很單純。
■記者黃翠儀