賀賢馬房賽駒賽前一日在大圈出跳趕工夫催谷狀態，而且是由出賽騎師親操，過去唔敢話冇試過，但一定極少。
偏偏今朝(8日)就出現上述情況，角逐周日(9日)第一場四班1000米賀賢的「友情永在」，這天由炒飯哥羅理雅在泥地大跑道快跳一段400米，作最後備戰，可見此駒受到重視，而馬兒走起來亦步伐輕爽有勁，精英奕奕，狀態進度甚佳。
3歲澳洲自購新馬「友情永在」今仗乃服役首戰，為其母COUNTESS CREED的第五胎，有三胎已經贏馬，取勝路程900至1300米，而父系STRATEGIC的子嗣普遍亦速度不俗。
「友情永在」在外地曾試閘1次跑第一名，該組第二、三名馬，之後出賽都能獲勝，而「友情永在」在港試過幾次閘，同樣有唔錯走勢，再加埋今朝羅理雅親操有動靜，睇嚟幕後決心一出即拼。