團隊做到頹仍努力諗橋

團隊做到頹仍努力諗橋

【難忘一刻】
為政治人物擔任攝影師,過程卻是罕有的平實,回想數月間哪刻最難忘?Anthony指自己較遲加入,首次踏足競選辦時,笑言「一打開門見到所有人做到頹晒、死晒」,但仍努力「諗橋」及做好手頭工作,「所有人為咗件事勞心勞力,嗰一刻真係有啲感動」。

「記得每一個人嘅名」

參選特首卻選擇紀實攝影,阿非形容「可睇到佢(曾俊華)對自己嗰個信心,覺得需要一隊人好平實、真實咁記錄佢,就可表達到佢想表達嘅訊息出嚟,係一個大膽嘅嘗試」。
獲公眾大讚有親和力並非難事,但做到對內對外口碑一致的政治人物則不能只靠公關。Billy舉例,「佢記得我哋每一個攝影師嘅名,競選後都會主動搵我哋逐個影相」,他最深刻是「阿sir」和家人相處的私人時刻,作為攝影師鮮有看到政治人物這一面。曾俊華的兒子和太太常陪伴在側,令人感到他並非孤軍作戰,「係成個家庭support佢」,當真實接觸這個人物時,「原來佢有溫柔嘅一面、緊張嘅一面……係難忘嘅」。
■記者黃翠儀