周五澳職聯賽獨腳戲，墨爾本城主場迎戰已經無緣晉級季後賽嘅阿德萊德聯，靠老將卡希爾喺上半場36分鐘，接應角球以招牌頭槌建功以1:0小勝。墨城喺今場波賽前已經鎖定晉級席位，不過仲要搶分至少保住前四位置，到首輪季後賽就可以有主場之利。墨城贏波之後領先第五位嘅西悉尼流浪者五分，形勢相當唔錯。