拖連奴前鋒比洛迪今季大勇，目前喺意甲已經入咗23球，同迪斯高並列喺射手榜榜首。比洛迪有個綽號叫做「公雞」，有時佢喺入波後會用隻手扮雞冠慶祝，球會為表揚佢有咁好表現，日前喺都靈嘅官方產品商店邀請咗佢嚟，由代表送隻水晶公雞畀佢。比洛迪咁好波，難怪有傳英超嘅曼聯同阿仙奴都有興趣簽佢。