雖然英格蘭傳媒早前大爆阿仙奴有意簽入17歲新「山神」艾利蘭迪，為阿歷斯山齊士離隊做準備，不過周四又有新版本流出，指山神同朋友講自己好鍾意英格蘭足球，又享受倫敦生活，其實唔想走，仲決定留多一季履行埋張合約。不過，山神對於阿仙奴冇爭冠野心又唔肯買人嘅態度實在睇唔過眼，所以球隊喺今夏仲係爛泥扶唔上壁，佢就會以「波士文條款」免費加盟車路士喎。
