究竟候任特首林鄭月娥可唔可以修補社會撕裂，大家要拭目以待。不過鄉議局主席劉業強身先士卒，主動交波畀佢師弟公民黨郭榮鏗。八方並唔係純文字討論，有圖為證㗎！
全球交波慶母校450周年
少年時代嘅劉業強喺英國讀過寄宿學校Rugby School，而今年正正係Rugby School嘅450周年。為咗慶祝呢個大日子，校方搞咗個全球交波活動，寓意學生們薪火相傳之外，亦都配合番Rugby School位於欖球發源地嘅歷史。 劉業強就喺上周五同師弟郭榮鏗喺立法會玩交波，當係響應母校嘅交波活動。劉業強仲喺fb留言話，雖然欖球唔係香港傳統嘅體育項目，不過一年一度嘅香港國際7人欖球賽，香港都有唔少球迷引頸以待。佢仲話喺英國，欖球係熱門運動之一，呢項運動可以訓練球員嘅合作性、靈活性同埋鬥志，呢啲正好係學生需要培養嘅能力，身為Rugby School校友嘅佢，好希望透過呢項運動提升自己嘅能力、毅力同責任感。