當初政府總部同立法會搬去添馬艦話要做「門常開」，結果點呢？政總就變到成座監獄咁，立法會大樓就唔同，越嚟越開放，噚日仲變埋演奏廳，由攞獎嘅英華小學弦樂團喺大樓內表演，順道慶祝復活節。
喺立會開演奏會都可謂創先河，難怪唔少議員都嚟聽，民主派有胡志偉、莫乃光、葉建源、李國麟、陳沛然、鄭松泰，建制派就有易志明、姚思榮、謝偉俊、潘兆平。
英華小學弦學團即席表演咗幾首樂章，包括比較輕快、有活力，作曲家Prokofiev嘅作品《Classical Symphony》，同埋耳熟能詳嘅作曲家Pachelbel作品《Canon in D》。
聽得最陶醉嘅相信係陳沛然，直頭要合埋眼細心欣賞㖭。