城巴新聘的一位80後靚女車長近日出更，成為巴迷界熱話，更吸引傳媒追訪。這位年輕女車長叫劉家穎，擁有一把啡色長髮，不時掛上甜美笑容，難怪迷倒一眾男巴迷；有網民大讚她是全港最靚女的巴士司機，更有人認為她貌似本土派女神游蕙禎或日本女星山本美月。
昨開工僅第6天的家穎，已吸引多名巴迷到小西灣巴士總站拍照，甚至在facebook專頁直播；有城巴司機下班後，亦特意留在總站，一睹其風采。家穎休息時接受傳媒訪問，透露自己從事飲食業10年，因巴士司機薪酬和工作環境較佳，本身又喜歡駕車，故考到巴士牌後，再投考車長，獲城巴培訓後，負責駕駛包括來往小西灣至金鐘的789路線。
城巴現有3,700多名全職車長，女性佔2%，即約74人，不過如家穎般年輕，確實少見。家穎透露，早在車廠訓練時，已有人專程來看她，近日正式落場，乘客看見她坐在司機位，均感驚奇，「O晒嘴咁望住你」，質疑她開玩笑，或拍攝整蠱節目，令她哭笑不得。
雙層巴士可載逾百人，車身又大，尤其考驗新入行女車長的駕馭能力；身型矯小的家穎，也承認當初感到很辛苦、很難駕馭，曾想過放棄，教車師傅雖曾批評她冒失、記性差，但仍耐心指引她，「教捽呔，會用女仔嘅方式教我，唔使死扭、爛扭」，令她最終上手。
但畢竟都是新丁，家穎坦言，過去數天試過蝦碌，或不夠快趕回總站，幸獲乘客和同事體諒，例如她曾因太緊張，只顧開門上客而忘記落客，乘客亦好言提點，沒有責備，更有乘客為她打氣。
【網民點睇】
Wong Yuen Chuen：香港巴士司機中佢最靚女，無出其右
Chakkin Ng：有預感港鐵股價會進一步受影響
Ryo Saeba：遲啲唔使揸啦，做城巴大使
Samu Lam：港島破獲歷來最大「兵」毒案
Kris Choi：呢位靚女新師姐將面對很大壓力，成日畀人偷拍
Manuel S F Chio：人哋未過試用期，唔好打擾佢