有「死亡之卷」之稱嘅DSE中文科噚日開考，卷二寫作題目三揀一，分別係寫一篇文以「自此之後，我終於解開了心結」作結、「足印」為題寫個人體會同「談憤怒」。剛喺特首選舉落敗嘅胡國興噚日喺facebook小試牛刀，試寫幾句喎。
胡官寫到回望71年來一步一足印，經歷過甜酸苦辣，喺廟街長大、出國讀書、成為執業大律師、結婚生仔、成為法官、獲委任更多公職。自言係人生勝利組嘅佢話：「看見社會不公，我憤怒。看見有人恃權謀私、指鹿為馬，我憤怒。看見當權者撕裂社會、破壞我們所愛的地方、踐踏我們所珍視的價值，我憤怒。我選擇將憤怒化為力量，所以臨老抵唔住頸選特首。」胡官文筆如何留畀中文老師評分，但佢希望留下嘅足印可以為後人提供些少參考價值。