特首選舉其間，傳出不少政務官都唔多like林鄭月娥，話林鄭鬧人唔使本，曾有傳其中一個「受害者」係行政署長蔡潔如。蔡噚日出席立法會特別財委會，回應都有關候任特首林鄭月娥辦公室嘅問題，八方都特別豎高隻耳仔，聽吓佢會唔會有弦外之音。話說經民聯立法會劉業強要求政府交代吓，現時候任特首辦會否用二手傢俬，蔡嘅答案亦可堪玩味。
蔡潔如話，要「好可喜」咁話畀劉業強知：「我哋對候任行政長官非常之差，我哋（候任特首辦）係有用二手傢俬，其實基本上大部份都係二手傢俬，除咗二手傢俬同埋電腦，我哋都係借番嚟，希望可以減省到（資源）」。冇咗候任辦後，傢俬就會歸還畀有關嘅政策局，連主持會議嘅財委會代主席田北辰都大讚政府好高效率，唔知蔡潔如呢句會否成為佢下次喊嘅伏筆呢？