見習騎師黃皓楠今朝(4日)替「小龍兒」操練作最後備戰，馬兒走來渾身是勁，狀態吸引。試完黃皓楠滿面笑容，落馬後皓楠仔亦摸摸馬頭，以作鼓勵，明顯很滿意此駒的進度。雖然「小龍兒」練馬師姚本輝不在場，但副練全程跟到實，又與黃皓楠傾了好耐，最後仲一齊入倉，再仔細睇馬，可見今仗擺明出擊。「小龍兒」上場在潘頓胯下贏谷草一哩，本周三(5日)轉戰沙田泥地夜賽，角逐第八場三班1650米，過去「小龍兒」於此程亦曾入Ｑ，當時所擊敗之季軍馬「雲呢拿」最近連贏兩場泥地賽，已升上二班，所以「小龍兒」泥地性能絕對毋須懷疑，今仗抽5檔好位，留在三班甚至比上仗贏馬少負7磅，當然有力再下一城。