這天(4日)是公眾假期，部份騎師沒有到沙田馬場操馬，原本澳洲猛將柏寶，亦多數休息一天，但有兩駒令他不得不清晨起床，動身前往晨課，係要親手操練才安樂。
邊兩隻馬咁大牌請得郁柏寶呢？其中一隻大家都唔意外，就係佢嘅私家馬「幸運如意」，將跑周日(9日)1200米二級賽短途錦標，呢匹全港最高分馬，當然唔俾其他人掂。另一隻柏寶今朝親操嘅馬，就係角逐周三(5日)沙田夜賽第六場三班1200米泥地之「花月流星」。
大摩馬房的「花月流星」今朝由柏寶在泥地大跑道快踱一圈，作最後備戰，柏寶向來較少在賽前一日為座騎操練，可見此駒在他心目中甚有分量。而此駒今課走來亦身輕步爽，精神奕奕，狀態非常出色。「花月流星」上月尾由潘明輝贏同班同程，匆匆再來明顯因為難得有合適賽程，唔想浪費勇態，既然柏寶咁緊張，係要臨跑前試番一課先安樂，睇嚟一定鬥志如虹。