三百多萬選民的資料，被神秘帶往會展，陪住777當選，等候發落。它們目前身處何方，警力能夠穿透強力部門，嚴正執法？警棍的延伸，一伸，花掉800多日；選民在這個距離補選不遠的敏感時刻，諗認真些，推理一下，資料花落誰家？
一，禮賓府？可能性五五波。有人想引發全城恐慌以自誤。選民資料埋在杜鵑花下，要2.0知道，什麼叫做朵朵皆辛苦。
二，西環？可能性低。張小明成功箍住柒柒柒票，有功有勞，三百萬選民資料可有可無，只要佢吹雞，鐵票甚至死人票，都會all in。
三，一約多伙的新樓？可能性高於一般。退休幹部唔知憑乜，拿到香港身份證（應該唔係嫁俾天王巨星）入市掃貨。政府苦無對策打擊這類特種炒家。他們炒到性起時，炒埋選民資料，so what？
四，本土派學生會？可能性極高。有種黑幕，叫做，插贓嫁禍！