阿仙奴星期日喺主場只能夠以2:2逼和曼城，而呢場比賽賽前有球迷示威，支持領隊雲格嘅「迷雲黨」同「反雲黨」更加喺看台上打交，槍迷暴龍哥（Troopz）接受ArsenalFanTV訪問時就話，一定要雲格走人先至可以停止內亂。
對於今場比賽，ArsenalFanTV主持Robbie同暴龍哥講至少阿仙奴今場有戰鬥嘅時候，暴龍哥就話下半場係囉，而且球隊防守仲令人好鬼死尷尬，佢點名批評比利連時話唔知佢點諗，仲狂爆粗鬧對方唔知喺度做緊乜，點可以喺追成1:1平手之後1分鐘就失波，佢嗰吓防守真係令人難以置信。暴龍哥又話，一切問題都係領隊雲格造成，想停止內亂、球迷唔再示威，雲格一定要走，佢甚至話阿仙奴需要一支全新隊伍，管理層以至成個教練組都應該要換晒。